Sunday, February 26, 2017

ආදර කතාවක්.. A Love Story

ගිහාන් රත්නසේකරගේ ෆේස්බුක් බිත්තිය..
ඔන්ලි මී පෝස්ට්ස්.

දිනය - 2016.12.15
මගේ අදහස එයාට කියන්න තිබුනනම් කොච්චර හොඳද...
මං හිතුවේ නෑ එයා මගේ රික්වෙස්ට් එක පිළිගනීවී කියලා. බුකියේ තැන් තැන්වලදි හමුවෙලා කතා කරලා තිබුනට මං හිතුවේ නෑ එයා මං රික්වෙස්ට් කරපු ගමන් සෙනිකව ඇක්සෙප්ට් කරාවි කියලා. ඉන්බොක්ස් තෑන්ක්ස් කලාම හිනා මූණක් දාලා නිකං හිටියේ ඇයි. එයා දන්නවද මං කැමතියි කියලා. ඒ මොනවා වුනත් මට කෙලින්ම මගේ අදහස කියන්න තිබුනා. රික්වෙස්ට් එක අද දැම්මට අපි සෑහෙන්න අඳුනනවනේ.

දිනය - 2016.12.30

මගේ අදහස එයාට කියන්න තිබුනනම් කොච්චර හොඳද...
සති දෙකක් චැට් කරලා මුණ ගැහෙමු කිව්වම එයාමයි දියත උයනෙදි ඉර හැංගුනාම හම්බවෙමු කීවේ. එයා හිතුවට වඩා ලස්සනයි. පෙනුමට වඩා හිත ලස්සනයි. ගිරවියෙක් වගේ කියවගෙන කියවගෙන යද්දි මං කලේ කට දිහා බකන් නිලාගෙන හිටපු එක විතරයි. ෂිට්. අද තමා හොඳම දවස අදහස කියන්න. මොන මඟුලක්ද මන්දා ඒක කියන්න යද්දි දිව ගොළුවෙනවනේ. ඉන්බොක්ස් ඇහුවනම් මොකද? චැහ් ඒක ගැලපෙන්නේ නෑ. පස්සේ අහමු.

දිනය - 2017.04.30

මගේ අදහස එයාට කියන්න තිබුනනම් කොච්චර හොඳද...
ඒත් එයා ලොකු සතුටකින් වගේ හිටියේ. රාජ් ඇහුවා කිව්වම මං හෙල්ලිලා ගියා. එයා ලොකු සතුටකින් හිටියේ. මං වගේ මෝඩයෙක්. මට කලින්ම මගේ අදහස ඇයට කියන්න තිබුනා. ඒත් දැන් පරක්කු වැඩිද??

දිනය - 2017.06.15

මගේ අදහස එයාට කියන්න තිබුනනම් කොච්චර හොඳද...
එයා අරූට හා කිව්වළු. එයා සතුටින්නම් ඒ ඇති. ඒත් එයාගේ හඬේ මොකක්ද දුකක් තැවරිලා තිබුනද මන්දා. මට පිස්සු. එයා මොකටද දුක් වෙන්නේ. රාජ් එයාට හොඳටම ගැලපෙනවා. ඒත් මට මගේ අදහස කියන්න තිබ්බා. දැන් පරක්කුයි ඉතින්.

දිනය - 2018.05.15

මගේ අදහස එයාට කියන්න තිබුනනම් කොච්චර හොඳද...
මෝඩද? මෝඩද? එයා කොච්චර සතුටින්ද පෝරුවට නැග්ගේ. වෙන මනමාළියෝනම් අඬනවත් එක්ක. එයාගේ වැඩේම හිනාවුන එක විතරයි. මගේ මූණ දිහා බලාගෙන හිනාවෙද්දි මට ඒක දරාගන්න බැරිවුනා. ඒකයි අහක බැලුවේ. ඒත්.. එත්.. මං හිතන්නේ මට මගේ අදහස ඇයට කලින් කියන්න තිබ්බා. හ්ම්.

දිනය - 2040.11.15
මගේ අදහස එයාට කියන්න තිබුනනම් කොච්චර හොඳද...
එයා ගිහින් ඉවරයි. ආය කාට කියන්නද? හුස්ම නොගත්තත් එදා වගේම එයාගේ මූණේ ඒ ආදරණීය හිනාව ඇඳිලා තිබුනා. හරියට මං යනවා කියන්න වගේ. අදින් පස්සේ එයා මතකයක් විතරයි කියලා හිතුනම තවත් ජීවත් වෙන එක තේරුමක් නෑ කියලමයි හිතෙන්නේ. එයාගේ උඩට පස් මිටක් විසි කරන්න තරම් හිතට හයියක් තිබුනේ නෑ. මං එයාට සුබ ගමන් පතලා ආපහු එන්න හැරුනා.

බුකියට ගොඩවුනේ අවසාන ස්ටේටස් එක දාන්න. දැන්නම් ස්ටේටස් එකක් කියවන්න එකෙක් නෑ. ඒකට ඒ කාලේ. ඒත් නොදා බෑ බෑ වගේ දැනුනා. මේකට ඇබ්බැහි වෙයි කියලා කීපාරක්නම් ඩිඇක්ටිවේට් කරන්න ඇත්ද? ඩිඇක්ටිවේට් කරලා ඇක්ටිව් කරපු ගමන් හිටියටත් වඩා ඇබ්බැයි වුනා නේද කියලා මතක් වෙද්දි මෙච්චර දුක අස්සෙත් මට හිනාවක් ගියා. ඒත් කාලෙත් එක්ක ෆේස්බුක් එක නිකන් ටීවි රේඩියෝ වගේ බෝරිං වෙන්න ගත්තාම නිකන්ම අතෑරුනා. අපිම හදපු පැරඩිවලට පහු පහු වෙද්දි අපිම අහුවෙද්දි එපාම වෙලා ගියා. අනික ඒ දවස්වල එකට පිස්සු කෙලපු එවුන් එක එකා පෝළිමට යද්දි මොන බුකිද කියලා හිතුනා.

ආහ්.. මැසේජ් එකක්. ෆේස්බුක් ටෙක්ස්ට් මැසේජ් එකක් හරියට ඒ දවස්වල ටෙලිග්‍රෑම් එකක් වගේ දුර්ලභ අද කාලේ කව්ද ඉන්බොක්ස් කලේ.

පභානිද සිල්වා... තත්පර දහයක විතර කල්පයකට මාව ගල් ගැහුනා. පභානි යන්න කලින් ඔයාට මාව මතක් වුනාද????

යුසර් නේම් : pabhanidesilva86@gmail.com
පාස්වර්ඩ් : pabha15122016
ගිහාන් මේ මඟේ එෆ්බී එකවුන්ට් එක. මං කැමතියි ඔයා ඒකට ලොග්වෙනවනම්.මේක මඟේ අවසාන ඉල්ලීම කියලා හිතන්න.
පභානි.

ආහ්.. ඇයි මේ. ඒක හරියට අනුන්ගේ දිනපොතකට එබෙනවා වගේ නරක වැඩක්නේ. ඒත් එයාගේ මගෙන් ඉල්ලන්නේ ඒකනම්  නොකර කොහොමද?

වෙල්කම් පභානි ඩි සිල්වා..
තවත් පභානිද සිල්වා කෙනෙක් නෑ  හිත යටින් මූමුනන ගමන් ඈගේ වෝල් එකට ගියා.
සෙවන් ඩ්‍රාෆ්ටඩ් පෝස්ට්ස්. ඩූ යූ වොන්ට් ටූ පෝස්ට් දෙම් නව්.
ආහ් ඒ මොනවද? මඟේ කුතුහලය ඇවිස්සුනා.
පරණම එක දෙදහස් දහසයේ ලියපු එකක්..

දිනය - 2016.12.15

මගේ අදහස එයාට කියන්න තිබුනනම් කොච්චර හොඳද...
.................................................................
.................................................................

.................................................................


බොඳ වුනු අකුරු රංචුවක් ස්ක්‍රීන් එකෙන් එළියට පැනලා මඟේ ඉස්සරහා බිඳිලා මැකිලා ගියා...

5 comments:

  1. සුපිරි.
    මම දන්න කතාවකුත් තියෙනවා මේ කතාවට ලඟින් යන එකක්.
    ඒ කතාවේ චරිත ගැන පොඩි දුකක් දැනුනා.
    ඒත් ඒ චරිතේ කෙනෙක් කියනවා වගේම කොයි දේත් වෙන්නේ වෙන්න තියෙන විදිහට කියලා හිතුවාම දුක නැති වෙලා ගියා.

    ReplyDelete
  2. ඒකටනම් දුක හිතුනා අයියා.. මං කියන්නේ ඒ කොයි දේත් වෙන්නෙ වෙන්න තියන විදිහට කියනවා ඇහුනම.

    ReplyDelete
  3. නියමයි..... බොක්ක නැවතුනා තත්පර ගාණකට !

    ReplyDelete
  4. merit casino【Malaysia】top online slots
    top online slots【WG98.vip】⚡,super casino 샌즈카지노 casino jackpot【阅读全文】,bet bitcoin 메리트 카지노 주소 casino,bob casino,jackpot slots,bob casino,jackpot 인카지노 slot machine,jackpot slots

    ReplyDelete
  5. Lucky Club Casino Site 2021
    Lucky Club Casino Website. Lucky Club Casino was established in 2007 and is the sister site of PokerStars Casino. Lucky luckyclub Club is operated by Playmates Limited and  Rating: 5 · ‎Review by LuckyClub.live

    ReplyDelete

Related Posts with Thumbnails